Отзыв об отеле Great Feel Hotel 3*

ခရီးသွားအကြံပြုချက် (၈)
ကျန်းမာရေးဆိုင်ရာ ခရီးသွားများအတွက် အကြံပြုချက်
************************************************************
နေပြည်တော်၊ ဇန်နဝါရီလ (၂၇) ရက်
ဟိုတယ်နှင့်ခရီးသွားလာရေးဝန်ကြီးဌာနသည် မြန်မာနိုင်ငံ၏ ဟိုတယ်နှင့်ခရီးသွားကဏ္ဍ ရေရှည်ဖွံ့ဖြိုးတိုးတက်ရေးနှင့် ခရီးသွားများ ဘေးကင်းလုံခြုံအဆင်ပြေစွာ အပန်းဖြေအနားယူနိုင်ရန် ရည်ရွယ်ချက်ထား ဆောင်ရွက်လျက်ရှိရာ လတ်တလောအချိန်တွင် တရုတ်ပြည်သူ့သမ္မတနိုင်ငံ၊ ဝူဟန် မြို့မှစတင်ဖြစ်ပွားခဲ့သော 2019-нков (2019 Роман Корона вирус) ရောဂါပိုးသည် ကမ္ဘာ့နိုင်ငံ အချို့၌ ကူးစက်ပျံ့နှံ့လျက်ရှိသောကြောင့် တရုတ်ပြည်သူ့သမ္မတနိုင်ငံ၊ ဝူဟန်မြို့မှ မြန်မာနိုင်ငံသို့ ရောက်ရှိလာသည့် ခရီးသည်များအနေဖြင့် ဖျားခြင်း၊ ချောင်းဆိုးခြင်း၊ အသက်ရှုကြပ်ခြင်း စသည့် တုပ်ကွေးဆန်သော ရောဂါလက္ခဏာများ လက်ရှိဖြစ်ပွားလျက်ရှိပါက (သို့မဟုတ်) လွန်ခဲ့သော (၁၄) ရက် အတွင်း ရောဂါလက္ခဏာများ ဖြစ်ပွားခဲ့ပါက (သို့မဟုတ်) ပြန်လည်ရောက်ရှိပြီး (၁၄) ရက်အတွင်း အဆိုပါ ရောဂါလက္ခဏာများ ဖြစ်ပွားပါက အခမဲ့ကုသပေးနိုင်ရေးအတွက် လေဆိပ်ကျန်းမာရေးဌာနနှင့် နီးစပ်ရာကျန်းမာရေးဌာနများသို့ အမြန်ဆုံးသတင်းပေးပို့ဆောင်ရွက်ပါရန်ကျန်းမာရေးနှင့်အားကစား ဝန်ကြီးဌာနမှ သတိပေးချက်ထုတ်ပြန်ထားပါ၍ ယင်းသတိပေးချက်ကို အလေးထားလိုက်နာ ဆောင်ရွက်သွားကြပါရန် အကြံပြုပါသည်။
အဆိုပါ ရောဂါဖြစ်ပွားရာဒေသများမှ ဝင်ရောက်လာသော ခရီးသည်များသည် မြန်မာနိုင်ငံ အတွင်းသို့ ဝင်ရောက်စဉ် သံသယဖြစ်ဖွယ်လက္ခဏာများ မရှိခဲ့သော်လည်း ရောဂါပျိုးချိန်မှာ ရက် သတ္တပတ် (၂) ပတ်ခန့်ရှိသည်ဖြစ်သဖြင့် အဆိုပါကာလအတွင်း ရောဂါဖြစ်ပွားမှုများ ရှိနိုင်၍ သံသယ ခရီးသည်များ တွေ့ရှိပါက အဆိုပါလူနာမှတစ်ဆင့် အခြားလူများသို့ ရောဂါကူးစက်ခြင်းအား ထိန်းချုပ် နိုင်ရန်အတွက် နိုင်ငံတကာခရီးသည်များထံတွင် ဖျားခြင်း၊ချောင်းဆိုးခြင်း၊ အသက်ရှုကြပ်ခြင်း စသည့် အဆုပ်ရောင်ရောဂါလက္ခဏာများ ဖြစ်ပွားပါက ကျန်းမာရေးနှင့်အားကစားဝန်ကြီးဌာနသို့ ချက်ချင်း သတင်းပေးပို့နိုင်ပါရန် ကျန်းမာရေးနှင့်အားကစားဝန်ကြီးဌာနမှ ဆက်သွယ်ရမည့် ဖုန်းနံပါတ် များကို ပူးတွဲဖော်ပြအပ်ပါသည်။